Blokkstuðulin verður samtyktur í morgin

<div>Seinnapartin í morgin fer fólkatingið at samtykkja, at blokkstuðulin til Føroya verður 624,1 mió. kr. í ár.&nbsp;</div><div><br></div><div>Føroyar fáa 8,6 milliónir krónur meira enn upprunaliga ætlað, tí stuðulin er prístalsviðgjørdur eftir ynski frá landsstýrinum.&nbsp;</div><div><br></div><div>Báðir føroysku fólkatingsmenninir siga í álitinum hjá Føroyanevndini, at teir taka undir við uppskotinum hjá danska fíggjarmálaráðharranum.Men teir gera tað ikki uttan viðmerkingar.&nbsp;</div><div><br></div><div>Sjúrður Skaale í Javnaðarflokkinum tekur undir við uppskotinum, tí Javnaðarflokkurin vil ikki atkvøða ímóti einari avtalu, sum landsstýrið og danska stjórnin hava gjørt.</div><div><br></div><div>Støðan hjá Javnaðarflokkinum er annars framvegis tann, at avgerðin í 2002 um ikki at prístalsviðgera blokkin eigur at standa við. &nbsp;</div><div><br></div><div>Edmund Joensen í Sambandsflokkinum finst at stjórnini fyri ikki at vilja hækka sjálvan stuðulin, tí útreiðslurnar til felagsmálini, sum blokkstuðulin er ætlaður, eru farnar nógv upp síðani 2002. Tí er danski parturin minkaður nógv lutfalsliga.</div><div><br></div><div>Edmund Joensen sigur, at danska stjórnin heldur ikki skyldur sínar í ríkisfelagsskapinum, soleiðis sum tær eru lýstar í einum donskum-føroyskum áliti um blokkin frá 1997. &nbsp; &nbsp; &nbsp;</div><div><br></div><div>Blokkstuðulin hevur verið 615,5 milliónir síðani 2002. &nbsp; &nbsp;&nbsp;</div><div><br></div><div><br></div><div><br></div><div><br></div><div><br></div>