Níggju uppskot fyri ungdómstingið

<div>Níggju uppskot komu til ungdómstingið, sum verður sett í Løgtinginum mánadagin. &nbsp;</div><div><br></div><div>Løgtingsformaðurin beyð í august í fjør næmingunum í framhaldsdeild fólkaskúlans at senda inn lógaruppskot ella uppskot til samtyktar at viðgera á Ungdómstinginum, sum verður mánadagin og týsdagin.</div><div><br></div><div>Sjey skúlaflokkar tóku av. Tey níggju uppskotini fáa fyrstu viðgerð mánadagin. Atkvøtt verður um uppskotini týsdagin, tá tey hava fingið nevndarviðgerð, og álit eru skrivað um tey.&nbsp;</div><div><br></div><div>Eftir døgurða týsdagin eru munnligir fyrispurningar til landsstýrisfólk á dagsskránni.&nbsp;</div><div><br></div><div>Ungu politikararnir hava uppskot um millum annað at strika meirvirðisgjaldið á frukt og grønmeti, fleiri tímar í ítrótti og fjarlestur sum sjálvstøðuga skúlaskipan.</div><div><br></div><div>Framhaldsdeildirnar í Vági, Eysturskúlanum, Miðvági-Sandavági og Vestmanna senda 33 fólk á ungdómstingið. &nbsp;</div><div><br></div><div>Tingvarpið fer at senda frá ungdómstinginum, sum Jógvan á Lakjuni, løgtingsformaður, setur mánadagin klokkan 10.00.</div><div><br></div><div>Hetta er fjórðu ferð, ungdómsting er í Føroyum. Ungdómsting er annað hvørt ár. Tað fyrsta var í 2006.</div><div><br></div><div><i>Mynd: Jógvan á Lakjuni, løgtingsformaður, setur ungdómstingið</i></div>