Trý feløg skrivað undir sáttmála

Starvsmannafelagið, Lærarafelagið og Havnar Arbeiðskvinnufelag skrivaðu seinnapartin undir nýggjan lønarsáttmála við Fíggjarmálaráðið og Kommunala Arbeiðsgevarafelagið, og sostatt er Pedagogfelagið einasta felag í fakfelagssamstarvinum, sum er farið í verkfall.&nbsp;<div><br></div><div>Lærarafelagið hevur longt sáttmálan í tvey ár við eini lønarhækking, sum er umleið 220 krónur um mánaðin. Sáttmálin hjá Havnar Arbeiðskvinnufelag fevnir eisini um tvey ár, og lønarhækkingin hjá teimum 400 limunum, sum starvast hjá tí almenna, er somuleiðis &nbsp;220 krónur um mánaðin.&nbsp;</div><div><br></div><div>Starvsmannafelagið hevur longt sín sáttmála í eitt ár, men limirnir í Starvsmannafelagnum fáa onga lønarhækking.&nbsp;</div><div><br></div><div><div>Selma Ellingsgaard, forkvinna í Starvsmannafelagnum, sigur við Útvarpið, at felagið avgjørdii at taka prinsippini fram um ta eftir hennara tykki láturliga lítlu lønarhækking, sum felagnum stóð í boði.</div></div><div><br></div><div>Herálvur Jacobsen, formaður í Lærarafelagnum, sigur við Útvarpið, at fakfelagssamstarvið eigur at verða endurskoðað. Rumbul kom í samstarvið, tí serkrøv hjá fakfeløgunum komu í semingina, sigur hann.&nbsp;</div><div><br></div><div><br></div><div><br></div><div><br></div><div><br></div><div><br></div><div>&nbsp;</div>