Vil hava danir at gjalda fyri ósprongda dynamittið

<div>Enn er ógreitt, hvør skal gjalda fyri at rudda gamla dynamittið við flogvøllin.</div><div><br></div><div>Í desember byrjaði brævasamskiftið millum Vinnumálaráðið og danska Ferðslumálaráðið um hetta málið.</div><div><br></div><div>Johan Dahl, landsstýrismaður við vinnu- og samferðslumálum, sigur, at eitt skriv er sent til danska Ferðslumálaráðnum, har biðið verður um ein fund um málið. Enn er fundur ikki avtalaður.</div><div><br></div><div>- Vit hava greitt donsku ráðharrastovuni frá málinum og grundgivið fyri, at tað hevur latið okkum ein flogvøll við fjaldum útreiðslum. Ongin meining er, at vit skulu rinda fyri at fáa dynamittið burturbeint, sigur Johan Dahl, sum heldur ikki kann góðtaka, at fjalda dynamittið skal raka nýggju farstøðina á flogvøllinum.</div><div><br></div><div>Skal Vága Floghavn rinda fyri at beina ósprongda spreingievnið burtur, verður minni at byggja nýggju farstøðina fyri.&nbsp;</div>