Fakfelagsformenninir gera nú niðurstøðu

Klokkan 17 fara formenninir í teimum fýra fakfeløgunum á almenna arbeiðsmarknaðinum, sum hava verið til seming, á fund at taka samanum, nú feløgini hava kunnað tey um leið 100 álitisfólkini um støðuna.<div><br></div><div>Selma Ellinsgaard, forkvinna í Starvsmannafelagnum, Maud Wang Hansen, forkvinna í Pedagogfelagnum, Herálvur Jacobsen, formaður í Lærarafelagnum, og Vigdis Johannesen, forkvinna í Havnar Arbeiðskvinnufelag, fara væntandi at gera ein niðurstøðu á fundinum, men í løtuni er ikki greitt, um niðurstøðan kemur í kvøld.&nbsp;</div><div><br></div><div>Brævaskifti hevur verið millum fakfeløgini og arbeiðsgevararnar, eftir at fakfeløgini havnaðu semingsuppskotinum.&nbsp;</div><div><br></div><div><div>Brævið, sum fakfeløgini sendu arbeiðsgevaranum, var tað sama, sum tey
góvu semingsmonnunum seinnapartin mikudagin. Í brævinum stendur, hvat
fakfeløgini vildu hava við í semingsuppskotið fyri at góðtaka tað. Men sambært
Selmu Ellingsgaard, forkvinnu í Starsvmannafelagnum, vildu semingsmenninir ikki
vita av brævinum, tí teirra arbeiði var liðugt.</div></div><div><br></div><div><b>Meiri verður at frætta í útvarpstíðindunum og Degi og Viku í kvøld.</b></div><div><br></div><div><i>Mynd: Selma Ellingsgaard, forkvinna í Starvsmannafelagnum, kunnaði fyrrrapartin síni álitisfólk um semingsroyndina.</i></div>