Løgmaður vil hava 50-100 milliónir í tilfeingisgjaldi

Kaj Leo Holm Johannesen, løgmaður, vil hava millum 50 og 100 milliónir krónur í tifeingisgjaldi frá makrelveiðun í ár.<div><br></div><div>Løgmaður sigur við Dimmalætting, at sambært fíggjarlógaruppskotinum skulu sparast 100 milliónir kr. Og semja er um, at landskassin skal hava eins nógv í nýggjum gjøldum, sum spart verður. Tað kann einans koma frá einum tilfeingisgjaldi, sum verður millum 50 og 100 milliónir, sigur løgmaður við Dimmalætting.</div><div><br></div><div>Í samgonguskjalinum verður sagt, at tilfeingisgjald/loyvisskattur kann áleggjast feløgum, sum hava serliga stóran vinning.</div><div><br></div><div>- Vit kunnu vænta okkum einar 10 milliónir tann vegin, men tað er langt frá nóg mikið, sigur Kaj Leo Holm Johannesen.</div><div><br></div><div>Løgmaður sigur, at samgongan fer nú at viðgera spurningin um tilfeingisgjald.&nbsp;</div><div><br></div><div>- Eg kann tó siga so mikið, at verður avgjald lagt á hvørt kilo av makreli, verður tað ikki 25 oyru hesaferð. Tað var alt ov lítið seinast, og gjaldið verður væl hægri enn tað, sigur løgmaður við Dimmalætting</div>