Meiri gransking á Landssjúkrahúsinum

Fyri fáum árum síðani var at kalla ongin skipað gransking á Landssjúkrahúsinum. 

Men seinnu árini hevur granskingin vundið nógv upp á seg, og í dag hava 15 granskingarverkætlanir sæð dagsins ljós á Landssjúkrahúsinum í samstarv við aðrar stovnar. Seks av teimum eru Ph.D-verkætlanir.

Tað sást eisini í dag, tá vísindalig fyrilestrarrøð var í Østrøm í Havn um ígerðarsjúkur og immunologi í Føroyum.

Tiltakið var samstundis eitt heiðurssymposium fyri Jón á Steig, yvirlækna á medisinska deplinum á Landssjúkrahúsinum.