VIDEO: Reytt kort kann kosta steypafinalu

Enn er ikki greitt, um reyða kortið, sum Birita Wardum fekk sunnudagin, fer at geva karantenu.

in.fo skrivar í dag, at reglurnar eru ikki greiðar.

Í einum brotið stendur soleiðis:

Spælarar, ið eru dømdir leikbann í sambandi við dyst í lands- ella steypakappingini, skulu avgreiða leikbannið í fyrst komandi í fremstu deild, uttan mun til, um hann er lands- ella steypakappingardystur ella vanligur 1. deildardystur.

Men í reglunum stendur eisini soleiðis:
 
Spælarar, ið eru dømdir leikbann í sambandi við landskappingardysti í fremstu deild í verandi kapping, skulu avgreiða leikbann komandi landskappingardysti í fremstu deild í verandi kapping. Leikbann kann sostatt ikki avgreiðast í landssteypadysti.

Tað verður Aganevndin, sum ger av, um Birita Wardum fær karantenu til steypafinaluna, skrivar in.fo