Viðmerkjari: Eingin semja um nýskipanina

- Tað er eyðsýnt, at samgongan er ósamd í spurninginum um fiskivinnunýskipanina.

Tað sigur Árni Gregersen, politiskur viðmerkjari.

Jacob Vestergaard, landsstýrismaður, hevur sagt, at samgongan hevur eina felags fatan, men um tað merkir, at flokkarnir hava nærkast hvør øðrum, er ógvuliga ivasamt, heldur Árni Gregersen. 

Hann sigur eisini, at tað er ógvuliga bláoygt at halda, at andstøðan fer at hjálpa samgonguni við fiskivinnunýskipanini.

Árni Gregersen var gestur í Degi og Viku í kvøld.