Landið má gjalda fyri SEV

- Kommunurnar eiga SEV, tí hava tær ognarrættin, og skal landið yvirtaka ognirnar, má landið gjalda fyri tær, sigur Heðin Mortensen, borgarstjóri og formaður í Kommunufelagnum. Men eingin orsøk er hjá landinum at yvirtaka SEV, tí el-veitingina røkja kommunurnar væl, sigur Heðin Mortensen.

Í fylgiskjali til nýskrivaðu frágreiðingina um ognarskap og bygnaðin á el-orkuøkinum í Føroyum stendur, at í ársroknskapinum 2010 var bókaða eginognin hjá SEV slakar 890 milliónir krónur.