Arbeiðsloysið er góð trý prosent

Arbeiðsloysið var eisini lítið fyrsta mánaðin í 2015, tað var 3,3 prosent sambært Hagstovuni.

Í januar var árstíðarjavnaða arbeiðsloysið 896 fólk, nøkur fá fleiri enn í desember og november í fjør, men 234 færri enn í januar í fjør.

Tá talið er árstíðarjavnað, ávirka til dømis afturvendandi sveiggini á arbeiðsmarknaðinum millum árstíðirnar ikki talið.

Tá arbeiðsloysið ikki er árstíðarjavnað, vóru 962 fólk arbeiðsleys í januar, ella 3,5 prosent. Tað eru 55 fleiri enn í desember í fjør. 

200 fleiri kvinnur enn menn eru arbeiðsleysar.