Virðisbrævamarknaðurin: 11 mió. kr. at býta

10,8 milliónir krónur vóru at býta millum teirra, sum áttu P/f Virðisbrævamarknað Føroya. 

Síðst í mai í fjør avgjørdi aðalfundurin at avtaka felagið, at lata tað fara í sjálvbodna solventa likvidatión.

Orsøkin til avgerðina var rakstrarhall, vantandi undirtøka frá børsskrásettu fyritøkunum og tann veruleiki, at føroysk partafeløg bóðu um at verða strikað í íslendska keypsskálanum. 

Øll tóku undir

Øll, sum vóru á aðalfundinum í fjør, tóku undir við uppskotinum hjá nevndini um at avtaka felagið.

Virðisbrævamarknaðurin varð stovnaður tann 7.november í 2000 fyri at skapa virði fyri føroysku fyritøkurnar, sum vóru skrásettar í keypsskálum, og fyri at byggja íleggjaraumhvørvi í Føroyum. Eginognin hjá P/f Virðisbrævamarknaðinum var 11,4 mió. kr. tann 31.desember í 2013. 

Hallið í 2014 var 275.000 kr., og tað kostaði 315.000 kr. til advokat og grannskoðara at avtaka felagið. Eftir vóru 10,8 milliónir at býta millum teir 12 partaeigarnar. Fíggjarmálaráðið fekk átta milliónir krónur.