Næraberg siglir inn

Svartkjaftatrolarin Næraberg, sum hevur verið á svartkjaftaveiðu, í altjóða sjógvi, vestur úr Írlandi á uml. 53N og 15V, er farin at sigla til Føroyar við 3.200 tonsum av heilfrystum svartkjafti. Tað skrivar jn.fo.

Av føroyskum skipum er nú bara Christian í Grótinum á leiðini vestur úr Írlandi - Tróndur í Gøtu hevur eisini verið har suðuri, teir komu á Fuglafjørð í gjár við 2.000 tonsum, sum teir landa til Havsbrún.

Tað hevur verið sera ólagaligt veður á hesum túrinum, men fiskiskapurin hevur verið í ordan, tá ið roynandi hevur verið, skrivar jn.fo.