Savna undirskriftir: Vilja steðga góðshavn

Hundraðtals fólk hava skrivað undir eitt mótmæli á Facebook, har heitt verður á Tórshavnar kommunu um ikki at gera ætlaðu góðshavnina

Undirskriftir verða nú savnaðar á Facebook, har heitt verður á Tórshavnar kommunu um ikki at fara undir at byggja Skansabryggjuna útifyri Skansan

Mynd: Skíggjamynd/Facebook

Bjarni Mohr

30.03.2015 - 08:50

Onkur vil hava hana, onkur annar vil hava hana, har piparið grør - nýggju góðshavnina, ið ætlanin er at gera útifyri Skansan í Havn, ið hevur verið nógv umrøtt í seinastuni.

Tí verða undirskriftir í løtuni savnaðar á Facebook, har heitt verður á fólk - ið ikki taka undir við at Tórshavnar kommuna ger Skansabryggjuna - at skriva undir.

Vit biðja hervið Tórshavnar Býráð bíða við útbyggingini av kaiøkinum undir Skansanum. Skriva navn og adressu her! So telja vit og senda til Tórshavnar Býrað mikudagin 1. apríl 2015.Chat conversation end
Posted by Skansin on 28. mars 2015

Higartil hava hundraðtals fólk nýtt høvið, har tey heita á kommununa um ikki at fara undir arbeiðið. Undirskriftirnar verða handaðar Tórshavnar kommunu mikudagin 1. apríl.

Tíggju býráðslimir atkvøddu síðst í januar fyri at játta seks milliónir til projektering og forkanningar. Tey samtyktu eisini uppskotið um byggiskrá. Tjóðveldisfólkini í býráðnum atkvøddu ímóti.