Búðstaðir sleppur ikki at taka lán

Tað sigur landsstýrismaðurin í svari uppá fyrispurning til Kristinu Háfoss, tingkvinnu fyri Tjóðveldi.

Tað økir um skuldina hjá landinum, um Bústaðir fær loyvi at taka lán, sigur Jørgen Niclasen í svarinum, og sigur eisini, at ein av fremstu raðfestingunum og avbjóðingunum hjá samgonguni er at fáa avlop á fíggjarlógina, og harvið minka um skuld landsins. Tí fer landsstýrismaðurin ikki at loyva Bústaðum at økja um skuldina hjá landinum við lántøku.

Landsstýrismaður í Fíggjarmálum sigur eisini, at Bústaðir hava nóg mikið av gjaldføri til at fremja sínar bústaðarverkætlanir.