Dómkirkjan liðug á ólavsøku

Havnar kirkja - Dómkirkjan - letur ikki upp aftur hálvan juni sum ætlað. Umvælingarnar í kirkjuni hava verið so mikið umfatandi, at arbeiðið er seinkað góðan mánað.

Ætlanin var at hava opið aftur hálvan juni, men nú er greitt, at tað verður ikki fyrr enn eina viku fyri ólavsøku.

Havnar kirkja hevur verið stongd síðan á nýggjárinum, tí stórar umvælingar verða gjørdar. Millum annað eru flísar lagdar á túnið, kirkjan er málað innan og uttan, kórið er umvælt, og stórar ábøtur eru gjørdar á el-skipanina.

Arbeiðið at umvæla Dómkirkjuna kostar umleið fimm mió kr.