Verkfall: SAS avlýsir flogferðir

Talan er um ruturnar til Shanghai, Chicago og San Francisco. Hetta skrivar DR

Orsøkin til verkfallið er, at norsku flogskipararnir eru farnir í verkfall, eftir at samráðingarnar millum fakfelagið hjá flogskiparunum og SAS slitnaðu tíliga hósmorgunin.

Trine Kromann Mikkelsen, talskvinna hjá SAS, sigur við Danmarks Radio, at SAS harmast um støðuna, og at felagið ger alt fyri at finna aðrar loysnir fyri síni viðskiftafólk. Men tað er ein trupul uppgáva, ásannar hon.

Mett verður, at bara í Danmark vera okkurt um 2.000 ferðafólk rakt av verkfallinum. Danmarks Radio sigur, at tað kostar tað SAS 1,6 milliónir krónur fyri hvørt flogfar, ið verður avlýst.