Festipulja kann fíggja nýmótans fjós

Nú ber til at fáa fígging úr felags festipuljuni til nýtmótans fjós.

Lógin um Búnaðargrunnin er broytt. 

Sambært viðmerkingunum hjá Fiskimálaráðnum um uppskotið eru longu nú, felags festipuljan hevur virkað í fýra ár, pengar tøkir til fleiri fjós, har neytini ganga leys. 

28 fjós eru í Føroyum, bara trý teirra eru fjós, har sum neytini ganga leys. Øll hini eru básafjós, og tey eru harafturat gomul.

Fiskimálaráðið skrivar, at umleggingin frá básafjósum til nýmótans fjós krevur nógvan kapital, sum í stóran mun verður at útvega sum lán og stuðul úr felags festipuljuni.

Ætlanin er at lata 50 prosent í stuðli til fjós.  

Búnaðargrunnurin veit um ítøkiligar ætlanir um at byggja tvey fjós, um fígging fæst úr grunninum. Ætlanir eru eisini um onnur fjós, men tær eru ikki so ítøkiligar enn.