Leita eftir tí góða smakkinum í Føroyum

- Vit hava roynt turt kjøt, grind og spik, sigur Jonas, sum heldur at serliga tað turra kjøtið hevði eina góða umami smakk.

Umami er tann fimti smakkurin (søtt, súrt, salt og beiskt) og er sera vælumtókur uttanlands í hesum døgum. Vit kenna umami betur sum ræst.

Romantisera ikki siðbundna matin og smakkin

- Vit leita eftir tí góða smakkinum, tí vit halda at danir, í hesum alheimstíðum, hava gloymt tann góða smakkin, sigur Jonathan. Men hann leggur afturat, at hetta er ikki ein romantisering av tí gamla siðbundna smakkinnum, men heldur ein leita eftir, hvat smakkar væl og hvat sermerkir góðan smakk. 

Smag for livet, kallast granskingarverkætlanin, og ætlanin er at leggja okkurt fram av tí, sum teir hava funnið í Føroyum, á ráðstevnuni Nordic Food Festival.

Spiki verður ein avbjóðing

- Eg havi eitt hugskot, at gera nakar lítlar góðbitar við turrum kjøtið, sigur Jonas, sum hann vónar danir fara at taka væl ímóti.

Men spiki verður ein avbjóðing, viðgongur hann.

Til ber at fylgja granskingini á Instagram, leita eftir Smag for Livet.