Samráðingar um nýggja stjórn

Sum kunnugt var tað borgarligi vongurin við Lars Løkke Rasmussen, formanni í vinstra, á odda, sum vann valið. 

Lars Løkke Rasmussen fer í dag undir fyrstu royndirnar at skipa stjórn. Samráðingarnar byrjaðu klokkan níggju í morgun okkara tíð á Christiansborg. 

Meirilutastjórn

Lars Løkke Rasmussen segði við danskar miðlar fyri løtu síðani, at hann fer eftir at skipa eina borgarliga meirilutastjórn. 

Fyrsti flokkur til samráðingarborðið er stóri vinnarin á valinum hósdagin, danski fólkaflokkurin við Kristian Thulesen Dahl á odda. 

Síðani fer Lars Løkke Rasmussen at fundast við Anders Samuelsen og Liberal Alliance og seinnapartin er tað Søren Pape Poulsen og Konservativa flokkurin, sum eiga tørn.