Føroyingur fingið sjey milliónir at granska kyknur

Poul Martin Bendix hevur fingið góðar sjey milliónir kr. til granskingarverkætlan, sum hann er leiðari fyri, ið er um kyknuskap og virkni i sambandi við heilsu og sjúku.

Tað skrivar Gransking.fo.

Poul Martin Bendix er ættaður úr Kollafirði. Hann er lektari á Niels Bohr Instituttinum í Keypmannahavn, men hevur eisini arbeitt á víðagitnu universitetunum, Stanford og Harvard.

Hetta er ein av 20 játtanum, sum Det Frie Forskningsråd júst hevur latið til granskingargarleiðarar. Tilsamans eru játtaðar 132 mió. krónur. 

Endamálið við stuðlinum er at geva framúrskarandi granskarum í Danmark bestu umstøðurnar at skapa avgerandi nýggj granskingarúrslit.