Útflutningurin veksur bæði í nøgd og virði

Fleiri tons og fleiri milliónir eru í hagtølunum fyri føroyska útflutningin til 1.august.

Útflutningurin er 385 milliónir krónur, 12 prosent, størri enn í fjør.

Og tonsini av fiski eru 20.382 tons, 11 prosent fleiri enn í fjør.

Sambært tølum, sum Hagstovan kunnger, er nógv meira uppsjóvarfiskur útfluttur í ár. 

Í nøgd er vøksturin 105 prosent, men í krónum helvtina minni, 56 prosent.

Útflutningurin av alilaksi er eitt vet minni í ár. Í sjey mánaðir er aldur laksur fyri hálva aðru milliard krónur seldur úr Føroyum.