Íslendingar taka ímóti 100 flóttafólkum

Íslendska ríkisstjórnin hevur avgjørt at taka hundrað flóttafólk í ár.

Stjórnin hevur eisini sett av tvær milliardir krónur, 100 milliónir í okkara krónum, til flóttafólk.

Pengarnir verða tiknir av yvirskotinum hjá ríkiskassanum í ár. Pengar verða ikki tiknir frá øðrum til at hjálpa flóttafólkunum, sum koma til Íslands.

Stjórnin ætlar fyrst at venda sær til Akureyri og spyrja, um kommunan vil taka flóttafólk.

Akureyri gjørdi vart við í summar, at býurin er til reiða at hýsa flóttafólki.