- Tíðindi, mentan og ítróttur
Vilja hava Ruth til forkvinnu í fíggjarnevndini
![](https://kvf.fo/sites/default/files/styles/grein-ovasta-mynd/public/ruth.png?itok=BdkSFDMG)
Stendur tað til Framsókn, so verður Ruth Vang nýggj forkvinna í fíggjarnevndini.
Aksel V. Johannesen, løgmaður, hevur sagt, at avtalan, sum varð gjørd við Framsókn undir samgongusamráðingunum um fremsta sessin í fíggjarnevndini, stendur við, tó at formenninir í samgonguflokkunum formliga skulu staðfesta avgerðina.
Hósmorgunin fer nýggja landsstýrið til Gjáar at halda temadag, og tá verður formliga avgerðin um fíggjarnevndina tikin.
Væl lærd
Poul Michelsen, formaður í Framsókn, sigur, at Ruth Vang er væl lærd, og hon hevur royndir frá fíggjarvinnuni, heilsuverkinum og kommunalari fyrisiting á leiðarastigi.
Framsókn hevur tvey umboð á tingi. Nú Poul Michelsen er vorðin landsstýrismaður, er Ruth Vang komin inn sum varalimur.
Hósdagin gjørdi løgtingið av, at Ruth Vang skulu gerast varalimur hjá forkvinnuni í fíggjarnevndini, men nevndin fekk ikki høvi at skipa seg formliga, áðrenn Annika Olsen eftir fáum døgum tók seg úr Framsókn og segði forkvinnusessin í nevndini frá sær.