The Mirror Men geva fyrsta staklagið út

Í dag hevur TUTL givið fyrsta staklagið hjá larmandi, unga bólkinum The Mirror Men út. Samstundis hevur bólkurin eisini sjálvur lagt eitt lyricvideo til lagið á youtube.

Staklagið kallast 'Out of Tune' og er eitt buldrandi rock lag, sum vil nakað. Tað verður útgivið á sjey tumma singulplátum, sum verða settar til sølu í Tutl handlinum á Káta Horninum í dag. Á plátuni eru eisini b-síðu uppøkurnar av ”Tea is Served”, umframt eini akustiskari útgávu av ”Out of Tune” við eini munn-harmoniku intro. 

Bólkurin er mannaður av Akseli Tórgarð á trummum og Sigmundi Zachariassen á gittara og vokalum. Hóast hetta er fyrst staklagið, hevur bólkurin nøkur ár á baki, har hann serliga gjørdi um seg í 2011, tá ið hann endaði á 2. plássi í Sement finaluni og taldist millum nøvnini á G! Festivalinum.

Lurta eftir lagnum niðanfyri