Hoyr nýggja staklagið hjá Steso

Nú hevur tú aftur høvi at hoyra yvirjarðligu og droymandi tónarnar hjá Steso. Bólkurin hevur nemliga júst lagt nýggja lagið 'Mjørkabarn' út á soundcloud, og er tað Rebekka Petersen, sum leggur rødd til.

Tað er Hergeir Staksberg sum er høvuðspersónurin í bólkinum, og í 'Mjørkabarn' tvínir hann síni egnu ljóðfagru gittarljóð saman við mjúku røddini hjá Rebekku og brummandi bassinum hjá Rólanti av Reyni. 

Fløguna hevur Hergeir gjørt saman við framleiðaranum Christopher Juul, og saman hava teir megnað at skapa eitt meira rátt ljóð, ið tó ikki hevur flutt seg ov langt burtur frá tí sorgarblíða og inniliga, ið annars hevur eyðkent ljóðið hjá Steso.

Lurta eftir 'Mjørkabarn' niðanfyri.