USA hevur góðkent Addyi, sum er viagra til kvinnur

Tablettin við virkna evninum fiban-serin er í høvuðsheitum ætlað kvinnum, sum mangla hug til kynslív.

Men tað er ikki heilt vandaleyst at svølgja eina Addyi.

Virkar ymiskt

Heilsumyndugleikarnir ávara um, at Addyi kann elva til lágt blóðtrýst, klígging og svimbul.

Hóast ljósareyða tablettin hevur fingið eyknevnið Viagra til kvinnur, so virkar aktiva evnið øðrvísi upp á kvinnur enn menn.

Menn skulu taka viagra stutt undan samlegu, men kvinnurnar, sum hava vantandi hug til kynslív, skulu taka eina tablett um dagin. 

Kensla av vælveru

Addyi er upprunaliga framleitt sum anti-depressivur heilivágur, sum ávirkar heilan við at leysgeva evni, sum t.d. dopamin, sum kann geva kenslu av vælveru.