Hoymligt HOYMA í Gøtu

Tíggju húski hava í kvøld latið sítt heim upp fyri tónleikarum og lurtarum.

Eivør hevði fyrstu hoymligu konsertina í stúgvandi fullari stovu í Syðrugøtu, meðan Niels og Eilin høvdu fyrstu konsertina í Norðragøtu.

Fólkini eru mong, og stovurnar lítlar. Millum ælini tuska fólk frá húsi til hús og frá konsert til konsert. 20 konsertir eru í tíggju ymiskum stovum. Summir vertir bjóða tær ein snaps í durinum og biðja teg so vinaliga skriva í gestabókina, áðrenn tú fert víðari inn at fáa tær ein kaffimunn og okkurt gott afturvið. Síðani setir tú teg væl til rættis í stovuni og kanst njóta eina deiliga og hoymliga stovukonsert.

Eftir konsertina tuska summi avstað til næstu konsert, meðan onnur fáa sær ein kaffimunn aftrat og nýta høvið at práta við tónleikaran ella húsfólkið. Her føla øll seg HOYMA. 

Myndir: © Hanna Vang