Meira útgoldið til pensjónistar

Grundupphæddin er lækkað, men skattalætti, skert kringvarpsgjald og hægri viðbót úr Samhaldsfasta bera í sær, at pensjónistar hava 5000 krónur meira um árið at liva fyri.

Áðrenn uppskotið at lækka grundupphæddina varð samtykt á jólum, var stór ónøgd millum pensjónistar, ið løgdu nógv fyri í royndunum at fáa landsstýrið at taka uppskotið aftur.

Landsstýriskvinnan í almannamálum, Eyðgunn Samuelsen, fegnast nú um, at hildið varð fast við uppskotið.