- Tíðindi, mentan og ítróttur
Brúgvin aftur seinkað
Brúgvin aftur seinkað
Brúgvin um Sandá, ið skuldi verða liðug um tvær vikur, verður ikki liðug rættstundis kortini. Atvoldin er ringa veðrið, sigur borgarstjórin
Brúgvin um Sandá verður ikki liðug til 29. februar, sum ætlanin annars var. Hetta er ikki fyrstu ferð, at arbeiðið er seinkað
Mynd: Teldugjørd mynd
15.02.2016 - 12:35
Nógv seinkaða brúgvin um Sandá er aftur seinkað. Sambært seinastu avtaluni millum Tórshavnar kommunu og byggifelagið J&K Petersen skuldi brúgvin vera liðug 29. februar.
Ringa veðrið er enn eina ferð grundin til, at arbeiðið er so nógv seinkað, sigur borgarstjórin við in.fo Tað er ógreitt, hvussu nógv seinkað brúgvin verður hesaferð.
SÍ EISINI Óvist nær brúgvin verður liðug
13. november í fjør gjørdi kommunan eina nýggja avtalu við byggifelagið. Men hendan dagfestingin heldur ikki.
Mikael Viderø, tekniskur stjóri, er ikki at hitta í dag. Sambært skrivaranum hjá honum verður eitt kunningarskriv sent út seinni í vikuni.
Er kopiera
Nýggjastu sendingar í ÚV
Nýggjastu sendingar í SV
