Fleiri skúlatilboð til ung við serligum tørvi

Ung, sum hava serligan tørv, fáa nú fleiri miðnámsskúlatilboð. Tvær nýggjar serbreytir verða á teknisku skúlunum, og serbreytin á Kambsdali, sum byrjaði í fjør, tekur nakrar næmingar inn aftrat næsta skúlaár.

Tað upplýsir Rigmor Dam, landsstýriskvinna í mentamálum. Serbreytirnar í handverksyrkinum vera á Glasi og á Tekniska skúla í Klaksvík.

Glasir bjóðar yrkisgreinar í timbri, klædnaatsstøði og bili, og Tekniski skúlin í Klaksvík fer at bjóða yrkisgreinar í timbri og matvøruatstøði.

Tilboðini samskipað við Almannaverkinum

Serbreytirnar í handsverksyrkinum er ætlaðar næmingum, sum ikki megna at fáa fulla útbúgving í verandi útbúgvingarskipan.

Níggju pláss vera á serbreytini á Glasi, og seks pláss verða á Tekniska skúla í Klaksvík. Serbreytin á Kambsdali tekur fýra næmingar aftrat.

Skúlatilboðini verða samskipað við stuðulsfyriskipanir hjá Almannaverkinum eftir tørvi.