Arbeiðið ikki byrjað enn

Løgmaður, Aksel Vilhelmsson Johannesen, hevur annars sagt, at politiska arbeiðið við stjórnarskipanini skuldi fara í gongd seinast í hesum mánaðinum.

Í dag er 29. februar, seinasti dagur í mánaðinum, men politiska arbeiðið er ikki farið í gongd, verður sagt av Løgmansskrivstovuni.

Fólkaatkvøða verður um stjórnarskipanina

Ætlanin er, at allir flokkar skulu vera við í arbeiðinum. Føroyingar skulu á fólkaatkvøðu komandi ár um eina føroyska stjórnarskipan, staðfestir samgonguskjalið.

Í samgonguskjalinum stendur, at ein nýggj stjórnarskipan skal staðfesta, at Føroya fólk hevur valdið í Føroyum.

Lógin skal áseta og útgreina sjálvsavgerðarrættin og fólkaræðisliga stýrislagið hjá Føroya fólki. Hon kemur til fólkaatkvøðu í seinasta lagi í 2017.