Ísland: Javnstøða - eisini fyri menn

Men tað serliga í hesum førinum var, at ov fáir menn vóru uppstillaðir til nevndina.

Undan aðalfundinum bjóðaðu fýra kvinnur og tríggir menn seg fram. 

Men sum fundurin leið, tóku tveir menn seg av listanum aftur. - Sostatt stóðu fýra kvinnur og ein maður fyri vali. 

Í mesta lagið 60 prosent

Og tað er ikki loyvt, sambært íslendsku javnstøðulógini, skrivar íslendska kringvarpið, RÚV. Hvørki menn ella kvinnur kunnu verða í meiriluta meira enn 60 prosent av eini nevnd í einum felagi.

Í hesum førinum merkir tað lutfallið trý-til-tvey.

Avbjóðing

Funnist hevur verið at lógini í ávísum umhvørvum, tí hon ger tað truplari at reka eitt felag. Men lógin var sett í verk fyri at bróta niður múrin fyri kvinnur.

Javnstøðulógin hevur elvt til nógvar trupulleikar í feløgum, har menn ráða, men í hesum førinum var so talan um øvutan trupulleika.

Nýggjur aðalfundur er lýstur at verða um fýra vikur