Kommunan vil hava arbeiðið steðgað

Tórshavnar kommuna vil hava arbeiðið hjá tunnilsfelagnum norðan fyri Hvítanes steðgað, til kommunan og landið eru vorðin samd um, hvar vegaføringin endaliga skal vera.

Av tí at farið er undir vegarbeiðið norðan fyri Hvitanesvegin, hóast kommunan og landið framvegis ikki eru komin ásamt um, hvar vegføringin endaliga skal vera, heldur kommunan, at tað verður enn truplari at finna eina semju um linjuføring av tunnilsvegnum og atkomuvegnum til Havnar.

SÍ EISINI Ikki hoyrd um innkomuveg

Tað skrivar Heðin Mortensen, borgarstjóri í Havn, í brævi, sum hann sendi landsstýrismanninum í samferðslumálum í gjár.

Kommunan vísir í brævinum eisini á, at borgarar hava kært um staösetingina av linjuføringini av vegatrekkinum millum ætlaða tunnilsmunna og landsvegin.

Tórshavnar Kommuna heitir tí staðiliga á landsstyrismannin í samferðslumálum um at steðga á við arbeiðinum, til ein loysn er funnin á málinum.