Ringt at gera øllum kommunum til vildar

- Ein loysn má finnast, sigur landsstýriskvinnan í fíggjarmálum, nú bæði Vestmanna kommuna og Fámjins kommuna eru ónøgdar við fíggjarleistin í heimatænastuni á eldraøkinum.

Kommunurnar halda, at tað er ikki samsvar millum útreiðslurnar hjá teimum og pengarnar frá landinum, sum fylgja við yvirtøkuni á eldraøkinum.

Kristina Háfoss ásannar, at tað er ringt at gera øllum kommunum til vildar, tá ið ræður um fíggingarleistin.