Óvissa um hondkeypssølu í miðbýnum

Í løtuni er óvist, nær tað fer at bera til at keypa apoteksvørur í gamla bankabygninginum í Niels Finsensgøtu í Havn.

Tjaldurs apotek og Tórshavnar kommuna hava samráðst um leigusáttmála. 

Býráðið skuldi taka støðu til málið í gjárkvøldið. 

Men tilmælið frá umsitingini og Fíggjarnevndini um at gera ein tíggju ára leigusáttmála varð tikið av skránni.

100 kr. fermeturin

Tjaldurs apotek vísir á, at býráðið av fyrstan tíð vildi hava apotekið at lata upp eina deild í miðbýnum.

Talan skuldi vera um eina royndartíð í eitt ár uttan húsaleigu. Síðani skal ein eftirmeting gerast.

Sambært uppskotinum um leigusáttmála verður hølið, sum apotekið skal leiga til handil, 62,3 fermetrar, og leigan er 1000 kr. fyri fermeturin um árið. 

Harafturat eru goymsluhøli og ein triðingur av felagshøli í kjallaranum, sum kosta 500 krónur fermeturin at leiga um árið.

Í fyrsta umfari fer ikki at bera til at keypa heilivág, sum lækni hevur ávíst, men bara hondkeyp, í deildini hjá Tjaldurs apoteki í miðbýnum í Havn.