Tórsgøta verður málað

Mentanargøtan í Havnini, Tórsgøta, verður stongd fyri allari ferðslu týsdagin og mikudagin frá klokkan 13-19. Orsøkin er, at bæði vegur og gongubreyt skulu málast.

Kommunan hevur í fleiri ár arbeitt við málinum um at gera Tórsgøtu til mentanargøtu burturav. Og nú verður vegurin so málaður.

Tað verður gjørt fyri at bjóða borgarunum til eitt orðaskifti um býarrúmið og teir møguleikar, Tórsgøta kann bjóða nú og í framtíðini, skrivar Tórshavnar kommuna á heimasíðuni.

Í Tórsgøtu húsast í dag eitt nú Tjóðpallur Føroya, Reinsaríið, Posthúskjallarin, Margarinfabrikkin og Miðlahúsið.