Skúlastjórin farin at ótolnast

- Vil býráðið bjóða næmingum framhaldsdeild í Sankta Frans skúla, má avgerðin takast nú. Tað nyttar lítið at bjóða teimum framhaldsdeild, tá skúlaárið endar um tríggjar vikur.

Tað sigur Selmar Jacobsen, skúlastjóri, í samrøðu við Skúlablaðið. Skúlastjórin vísir á pallborðsfundin í Sankta Frans Skúla fyri tveimum vikum síðani.

SÍ EISINI Góð útlit fyri framhaldsdeild

Tá vóru býráðspolitikarar á einum máli um, at er meiriluti fyri tí í Tórshavnar Býráð so at siga alt fyri eitt, verður skúlabygnaðurin í Tórshavnar Kommunu broyttur.

Tað skal gerast so Sankta Frans Skúli í Havn kann fáa sína framhaldsdeild eftir summarfrítíðina í ár, stendur millum annað í greinini á heimasíðuni hjá skúlablaðnum.