Vatngoymslan kom í tøkum tíma

Á eystara arm á Skálafjørðinum merktu tey einki til turkin, sum hevur verið seinastu vikurnar, tí beint frammanundan var fyrsti vatnbrunnurin við Prestá oman fyri bygdina á Skála tikin í nýtslu.

Haðani er vatnleiðing løgd um fjørðin til brunnarnar í Saltangará, sum veita vatnið víðari til borgarar og virkir. 

Kostnaðurin er millum 37 og 38 milliónir kr.

Ætlanin er eisini at binda Rituvík upp í nýggju vatnveitingina hjá Runavíkar kommunu.