Tí vildi Johnny hava longda freist

Nevndin, sum skal koma við tilmæli um nýggja fiskivinnuskipan, fekk hósdagin longda freist at koma við sínum tilmæli. Upprunaliga skuldi arbeiðið vera liðugt fyrsta august, men nú hevur landsstýrismaðurin í fiskivinnumálum givið nevndini til 1. oktober at skriva tilmælið.

Summarfrítíðin er ein atvold, sigur formaðurin í nýskipanarnevndini. Ein onnur orsøk er, at tað hevur verið trupult at finna semju um, hvussu mest fæst burturúr fiskivinnuni.

Tað verður bara eitt tilmæli

Landsstýrissmaður hevur boðað frá, at hann vil hava eitt tilmæli frá nýskipanarnevndini. Hann vil ikki hava fleiri minniluta tilmæli. Í nevndini eru øll ikki altíð eru samd, men Johnny í Grótinum væntar at handa Høgna Hoydal eitt samt tilmæli um, hvussu fiskivinnan í Føroyum skal skipast, tá verandi skipan fer úr gildi á nýggjárinum næsta ár.