Nýggi íslendski forsetin tekur við í dag

Ísland fær nýggjan forseta í dag.

Seinasti dagurin hjá Ólafi Ragnari Grímssoni í embætinum var í gjár.  

Og seinnapartin í dag tekur Guðni Thorlacius Jóhannesson við. Hann verður sætti forseti Íslands síðani 1944, tá Ísland gjørdist sjálvstøðugt land.

Ólafur Ragnar Grímsson, sum er 73 ára gamal, var forseti í 20 ár. Eingin hevur verið forseti í Íslandi so leingi sum hann. 

Ólafur Ragnar Grímsson fór frá á midnátt. Til seinnapartin í dag, tá nýggi forsetin tekur við, er forsetavaldið í hondunum hjá forsætisráðharranum, formanninum í Hægstarætti og formanninum í altinginum.