Havnin ongan borgarstjóra í løtuni

Havnin ongan borgarstjóra í løtuni
Eingin varaborgarstjóri er í Havn næstu tríggjar vikurnar, hóast høvuðsstaðurin hevur tveir varaborgarstjórar, nú borgarstjórin er burturstaddur
Hóast tveir varaborgarstjórar eru í Tórshavnar býráð, verður eingin borgarstjóri í kommununi næstu tríggjar vikurnar, nú borgarstjórin er uttanlands
 
14.09.2016 - 16:07

Hóast tveir varaborgarstjórar eru í Tórshavnar býráð, verður eingin borgarstjóri í kommununi næstu tríggjar vikurnar, meðan Heðin Mortensen er burturstaddur.

Hann hevur sent samgonguumboðunum í býráðnum eitt bræv, har hann boðar frá, at hann er burturstaddur í almennum arbeiðsørindum. Talan er ikki um feriu ella farloyvi, skrivar Heðin Mortensen til samgongufelagar sínar, sambært in.fo.

Heðin Mortensen skrivar, at meðan hann er burtur, røkir stjórnin í kommununi vanligar dagligar uppgávur, men tað politiska liggur hjá einstøku formonnunum í nevndunum.

Burturstaddur á ST-aðalfundi

- Hesi viðurskifti gera, at eingin er í mínum staði, til eg komi aftur, skrivar Heðin Mortensen í brævinum til samgongulimirnar í býráðnum.

Hinvegin sigur hann seg vera tøkan á telefon, sms og teldposti alt samdøgrið tær tríggjar vikurnar, hann umboðar Løgtingið á ST-aðalfundi í New York.

Jógvan Arge í Tjóðveldi, sum er í andstøðu, er fyrsti varaborgarstjóri. Elin Lindenskov í Javnaðarflokkinum, sum er í samgongu, er annar varaborgarstjóri.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF