Hava funnið silvurmynt í útgrevstri á Velbastað

Eitt brot av einum silvurmynti er funnið í fornfrøðiliga grevstrinum, sum Fornminnissavnið ger Niðri á Bakka á Velbastað.

Helgi Michelsen, savnsvørður, hevur staðið fyri leitingararbeiðnum.

Rannsóknin er liður í eini verkætlan um bønhús og kirkjugarðar, har Søvn Landsins eisini samstarva við fyritøkuna Munin.

Samstarvið snýr seg millum annað um at brúka georadara at kanna undirgrundina.