Uppskotið skjótt í tingið

Løgmaður hevði fund við hinar floksformennirnar seinasta fríggjadag, og løgmaður fer aftur á fund við teir fríggjadagin í næstu viku.

Aksel Johannesen sigur, at hann væntar at hava fund við floksformennirnar fimm ferðir afturat. Hann vónar, uppskot er klárt at leggja fyri tingið um fýra-fimm vikur.

Á fundunum fara teir at ganga ígjøgnum kapittularnar í uppskotinum til stjórnarskipan, meðan sjálv innleiðslan, sum stór ósemja er um, verður viðgjørd seinni.

Fólkaatkvøða skal verða um føroyska stjórnarskipan í seinasta lagi í 2017 stendur í samgonguskjalinum.