Javnaðarflokkurin missir meirilutan

Tað vísir ein nýggj veljarakanning, sum Fynd hevur gjørt fyri Miðlahúsið, og sum verður almannakunngjørd í Sosialinum seinnapartin.

Sambært kanningini gongur Javnaðarflokkurin 7,8 prosent aftur og flokkurin missir tveir sessir í býráðnum í Havn, skrivar in.fo

Hinir flokkarnir ganga fram

Allir hinir flokkarnir ganga fram - men Framsókn gongur mest fram og fær á fyrsta umboð valt í Tórshavnar býráð.

Tjóðveldi fær, sambært kanningini hjá Miðlahúsinum, eitt umboð afturat, og fær tí fýra fólk í Tórshavnar býráð.
 
Fólkaflokkurin og Sambandsflokkurin ganga eisini fram, men tó ikki so mikið, at tað gevur fleiri fólk í býráðið. Fólkaflokkurin hevur tvey og Sambandsflokkurin eitt umboð í Tórshavnar býráð.