Eru til reiðar at fara í rættin við málinum

- Vit hava tosað við advokat um málið, og í evsta føri eru vit til reiðar at fara í rættin við tí.

Tað sigur Heðin Zachariasen, borgarstjóri í Sunda kommunu, nú Mentamálaráðið hevur ógildað skúlabygnaðin í kommununi.

Hann sigur, at eitt samt býráð hevur samtykt at vísa avgerðini hjá Mentamálaráðnum aftur, og hildið verður fram við ætlanini at byggja nýggjan skúla og ítróttarhøll við Streymin, sum verða mett at kosta 85 milliónir kr.

Heðin Zachariasen var gestur í Degi og Viku í kvøld.