Áki Egilsnes aftur til VÍF

VÍF telist í løtuni millum FM-kandidatarnar, og nú fáa teir styrk til tað sum eftir er av kappingarárinum.

Áki Egilsnes sigur við Kringvarpið, at hann kemur heim aftur at spæla við vestmenningum.

- Av ti at eg havi verið so skaddur i fótinum, blivu eg og venjararnir hjá TMS Ringsted samdir um, at eg spæli við VÍF restina av kappingarárinum.

- Eg havi framvegis samband við TMS Ringsted. Eg fari, um alt gongur eftir ætlan, nidur aftur at spæla næsta kappingarár.

Áki Egilsnes skrivaði í juli mánaði undir tvey ára sáttmála við danska felagið.