Ikki friður fyrr enn seinnapartin í morgin

Boðað er frá stormi av útsynningi og vestri við hvirlum av ódnarstyrki líka til eina ferð í morgin..

Veðrið batnaði annars so líðandi seinnapartin í gjár og í nátt og í morgun var eisini hampiligt veður.

Men jólafriðurin var stokkutu, tí fyrrapartin brast aftur á við illveðri um alt landið.

Suðuroy og Suðurstreym

Á politistøðini í Havn hava tey longu fingið fleiri fráboðanir um stormskaðar. Flestu skaðarnir higartil eru í Suðuroy og í Suðurstreymi. Á Velbastað var eitt neyst farið av vindinum. Politiið mælir fólki til at nýta vanligt vit og skil og at halda seg innandura.

Vit skulu ikki vænta, at hetta illveðrið hasar av fyrr enn seinnapartin í morgin, annan jóladag, sigur Hanus Kjølbro, sum er veðurkønur:.