Rokfiskiskapur á Flemish Cap

Línuskipini hava aftur í ár rokfiskiskap á Flemish Cap.

Til dømis fiskaði Váðasteinur 84.000 pund fyrsta dagin, og í dag hevur hann boðað frá 60.000 pundum. Hann hevur tí fingið 144.000 pund, 72 tons, í tveir dagar. Tað er rættiliga góður fiskiskapur. 

Klakkur fekk 120.000 pund í tveir dagar. 

Skipini boðaðu frá 54.000 til 60.000 pundum í dag. Tað er fiskiskapurin seinasta samdøgrið, upplýsir Vørn. Alt er toskur.

Seks skip

Seks føroysk línuskip eru á Flemish Cap. 

Tey eru Klakkur, Kambur, Stapin, Ågot, Eivind og Váðasteinur. 

Øll skipini hava frystarí uttan Váðasteinur, sum ísar fiskin.

Kvotan á Flemish Cap í ár er 3.114 tons av toski. Talan er um felagskvotu, so skipini fiska til uppi er.