Menn fáa størra partin av lønunum

Mannfólk eiga 62 prosent av øllum lønargjaldingum.

Tað upplýsir Hagstovan á heimasíðuni.

Í fjør var triðja árið á rað, at mannfólkini fingu størra partin av lønarvøkstrinum.

Mannfólk forvunnu tilsamans 5 milliardir og 279 milliónir krónur í fjør, og kvinnurnar tjentu 3 milliardir 197 milliónir.

Vøksturin í prosentum er hjá monnum 5,8 prosent og hjá kvinnum 5,3 prosent.

Orsøkin til, at mannfólkini fáa størra partin av lønarvøkstrinum er, at seinastu trý árini hevur tað verið sera stórur vøkstur í vinnugreinum, har menn eru í meiriluta.

Tað er m.a. í vinnugreinunum fiskiskapur, ali- og kryvjivirki og bygging.